【球迷奇遇記】晏菲路英超雙紅會

再次感謝我嘅 AXA 保險顧問。

話說保險顧問因為 qualified 咗 AXA Prime，可以攞到利物浦波飛轉送俾喺英國嘅親朋好友。繼上星期歐聯［晏菲路 AXA Executive Suite 神奇體驗] 之後，保險顧問再次送飛俾我，等我又有機會踏足晏菲路，睇到英超［雙紅會］利物浦大戰曼聯，萬分感激。

英超嘅波飛難買，利物浦波飛尤其難買，聽講二手波飛炒到幾百鎊，而循正途官網買嘅話，要先入會，再儲夠類似 loyalty point 嘅嘢，總之就係好鬼難，有錢都買唔到。

相比上場歐聯，感覺今日晏菲路球迷嘅氣氛更熾熱，可能係因為仇人見面嘅關係。不過睇返場波，利物浦今場夫添上陣，面對缺少C朗又毫無戰鬥力嘅曼聯，一如所料大炒一場，利物浦踢到練波咁，雖然有四個入波，但緊張刺激欠奉，有啲可惜。