【球迷奇遇記】紐卡素VS般尼@聖占士公園球場

睇波睇上癮？今日原來是聯賽杯第 2 Round~紐卡素主場對般尼，見「近近地」，反正只是半個鐘頭車程左右，就一個人揸車去 Newcastle 捧場。英超波飛非常搶手，用「正當」手段買飛通當都要先加入球迷會，而最平可能都要四、五十鎊一張。相反，睇聯賽杯就有個好處，波飛劃一￡10一張 (原來即場買要￡20，蠢咗)，而且不需加入球迷會都買得到。

球賽於 19:45 開波，我於開波前一個鐘頭就入到 St James’ Park (聖占士公園球場)，起初以為今場波入場人數不多，誰知「坐吓坐吓」都有六、七成觀眾。聖占士公園球場明顯比起我剛去過的史丹福橋和奧脫福球場先進，不過氣氛就有所不及，而最奇怪的是找來找去也找不到大鐘，比賽尚餘多少分鐘也不知道，唯一一個大銀幕卻不是對著球場，而是打側對著其中一邊的看台，這到底是什麼設計呢？

至於球賽本身，可說一點也不刺激，主隊紐卡素還可以，般尼就幾乎零攻勢、零中龍，球場中的球員我又一概不認識，只認得出站在場邊的教練布魯士。比賽最後打成 0 比 0 平手，由於杯賽關係，即時射十二碼決性負 (幸好不用加時！)。

想不到全場最有星味的 Saint-Maximin 第一球就宴客，之後紐卡素難得有機會追成平手後又把握唔到機會，不單止被淘汰出局，間接亦令我沒有機會再以 ￡10 平價捧場。