禮拜六，冇節目，又係入場睇波時間，又係去奧脱福，又係睇C朗......會唔會有啲悶？上一周曼聯主場，小姐未有機會入場見見C朗拿度，今場無論如何也要捧捧場，再加上由 Nottingham 上來的好友，組成了睇波三人組。
今日早場 12:30，可說是最理想的時間，八點鐘開車，十點半就到達 Manchester 的其中一個 Park & Ride 再轉乘電車去球場。雖然預早了時間，可是當我們到達 Old Trafford 時原來都差不多十一點半。
入場前先去 Mega Store 看看，為的是幫老友找找有沒有 C朗的球員版波衫，可惜的是，普通的球迷版就一大堆，唯獨球員版就仍然斷市，只有 XL 和 XXL。
空手而回，是時候入場，今季已經等三次來到 Old Trafford，已經變成了識途老馬，只是好友因為未有將門票下載到「Wallet」，要勞煩工作人員幫忙處理 (原來用 email 上的 QR 是不能 scan 到的)。
入到場後，時間剛剛好，趕得切看到球員們熱身，前兩場見不到的卡雲尼也終於現身。像 C朗、普巴、卡雲尼、B 費這些球員，以往只能於電視上看到，如今來到 Old Trafford 見見真人，距離亦彷彿一下子拉近了不少，所以說有幸親臨球場看足球比賽，確實是不可多得的機會。
今日曼聯主場對阿士東維拉，雖然曼聯近來狀態麻麻，歐聯、聯賽盃先後輸波，不過聯賽就成績不俗，加上有 C朗兩場入三球，暫時並列榜首。至於客隊阿士東維拉，雖然走了加利殊，但仍能保持著中游位置，估計比起上兩場列斯及紐卡素，今日戰情會更為緊湊。萬眾期待的 C朗再次正選上陣，至於卡雲尼就暫列後備。
上半場的曼聯有點老鼠拉龜，攻勢無甚威脅，反而維拉藉著麥佳尼的致命回傳差點能夠打開紀錄。雖然十分期待 C朗可以在我們面前展示一下招牌慶祝動作，可惜他得到的供應實在少得可憐。
下半場情況似乎未有改善，不過曼聯反而有幾次有威脅的反擊機會，如果不是綠木太過獨食，相信應該可以製造到入球。
後半段換入卡雲尼打算加強攻勢，誰知卻換來一個失波。話說當維拉於 89 分鐘藉著角球入球波後，全場的氣氛一下子冷卻下來，主場球迷鴉雀無聲，連嘆息聲也沒有 (作客球迷當然例外，陷入瘋狂狀態！)，彷彿「扮睇唔到」，形成強烈對比，十分有趣！
去到補時階段，曼聯搏得十二碼，主場氣氛馬上重燃起來。此刻相信大家都有個疑問，這個關鍵的十二碼，到底會由 C朗還是 B費操刀呢？答案揭盅，十二碼由 B費主射，令人有點意外，不過更令人意外還在後頭呢！
B費主場的十二碼竟然「一飛衝天去，一飛衝天去......」直射上觀眾席，與此同時，亦宣布了曼聯今季主場不敗的紀錄被打破，榜首地位亦不保。
仍記得上場 C朗回歸，散場後球迷們仍然不停的唱著「Viva Ronaldo......」，不過今日縱使有人唱了第一句，其他人亦沒有心情作出回應，還是默默地離場吧！
既然來到 Manchester，自然又要去「中國城」光顧一下曼城「大家樂」。下午三點，吃晚飯嫌太早，於是就「斬料」，買了半隻貴妃雞之後才踏上歸途。
Comments
Post a Comment