之前提到宿舍劣食，其實撇除不敢恭維的手藝，佢話廚師其實對佢哋好好，除咗會為生日的 boarder 送上朱古力士多啤梨，仲不時會為亞洲學生整啲家鄉嘢，雖然整得唔好食，但我地都叫佢學習欣賞廚師的心思！
我地覺得亞洲學生普遍比較嬌氣，佢話好多華人同學晚飯後就去吃私伙即食麵 (人氣榜 Number 1 係酸辣粉)，反觀其他來自歐洲的同學仔就無投訴食物難食，佢位「戰鬥民族」同房就由朝食到晚，除了餐餐食到其他同學走哂仲食緊之外，夜深仲會去廚房覓食 (廚房係門常開)！
寄宿生活好艱苦？事實上，我地認為宿舍照顧得太多就真，原來每朝有人逐間房敲門 morning call，朝早佢地去咗上課後有人執床（亂咁扔的衫褲會摺好，包括公仔件衫！)，有次某同學鬧情緒喺房喊冇落去 canteen 食飯，廚師仲送埋 room service，我覺得有D過份，唔係我想像嘅 boarding life，可能時代已經唔同咗！
我記得有篇報導，Prince Philip 同 Prince Charles 都曾經在蘇格蘭的 Gordonstoun School 捱過艱苦的寄宿生活，例如冬天有時訓練學生冲凍水涼，現在好像已經取消了，難怪每一代人都會抱怨後生一輩唔捱得！
Comments
Post a Comment