我哋而家住緊幫朋友收嘅新屋，所以好多傢俬用品電器都係屋主朋友網上買，我哋幫佢收貨。話說早喺八月中，朋友已經喺 Currys (英國好出名的連鎖電器店）網購咗一部剪草機， 但係送貨日期一路延遲，直至九月初就話冇貨，店方仲提議朋友取消 order，朋友就無奈地喺另一間再買過。
過咗幾日，我仲收到 Currys 打電話來道歉，話從未試過咁嘅情況，very sorry for your bad experience 云云，我都知道佢哋做事求其嘅作風，所以亦喺電話再三確認係取消咗 order 再等退款，誰知過咗兩日，忽然間有人敲門送剪草機！原來就係一直話冇貨嗰個剪草機！
又再次一頭霧水，即刻 email 去問個究竟，職員一啲都唔覺得出奇，只係回覆話我哋會搵人去收返部機，完全冇解釋咩事出錯。過咗兩日，又真係如期有人來收番部機！
以為故事告一段落？冇咁快！過咗兩日，我收到 Currys 一封道歉信及 20鎊 coupon、正想讚下佢有誠意之際，屋主朋友因為未有如期收到退款所以 check 下 order status，一查之下，發現 status 由 order cancelled 變回 processing order！同時又收到通知送貨的短訊！朋友又立刻聯絡客服，幾經週旋才得到職員確認唔會再送貨！如此服務，簡直係訓練客人的 EQ。
其實佢都咁做嘢，除咗浪費客人時間，佢地都浪費咗好多資源，而我就開始唔覺得出奇了！
Comments
Post a Comment