今次真係非常感謝幫咗我哋成家人好多年嘅 AXA 保險顧問，等我有機會試吓坐包廂睇波。
之前保險顧問話 AXA 有利物浦波飛送俾佢，因為佢 qualified 咗 AXA Prime , 可以轉送俾喺英國嘅親朋好友。佢真係好好呀！問我睇唔睇，自己雖然唔係利物浦球迷，但有機會親身去晏菲路睇波，仲要係歐聯8強添，有咩理由唔睇先。
起初以為只係一般波飛，但係睇真啲……竟然係 AXA 嘅 Executive Suite 包廂~一個只可以「容納」十幾個球迷嘅包廂，招呼我哋嘅工作人員都有五、六個，香檳、威士忌、啤酒任飲不在話下，又有小食同 main dishes，半場、完場仲有甜品添，食飽舒舒服服睇波。
開波前聽講會有利物浦名宿嚟傾吓計，而今日嚟到嘅係著名嘅大隻前鋒希斯基，又影相又攞埋簽名，集郵成功。睇完食完仲有 LFC 禮物包，球迷大滿足！
至於今場波，又真係幾精彩，兩隊共有6個入波，而且利物浦初頭雖然半力出擊，但下半場沙拿、文尼都相繼落場，都算滿足到球迷嘅期望！
Comments
Post a Comment