回帶到初初到埗時，相信大家收船運家當嘅時候都有大量嘅紙箱，我地選擇將大部份嘅紙箱放上閣樓，以備第時再搬屋時用， 但係紙箱數量實在太多，都有部份要扔掉，再加上初到埗一定會網購好多東西，尤其大型傢俬，總會製造咗好多紙皮、紙箱、海綿、bubble 紙等垃圾，雖然可以回收，但有些包裝物料真的好實淨，總係覺得可以 DIY 做一些手作、小家具之類，可惜自問從來不是手作人，喺香港時亦唔會有閒情整手作，有點無從入手…..
有日忽發奇想， 就動手造咗張凳仔，量好尺寸就開始𠝹紙皮，因為要用來坐，內裏不能空心，於是要𠝹大量紙皮，一層一層用熱溶膠黏在一起，四個面再黏上海綿，外面包番 self-adhesive film 就大功告成！
後來想一想，真是太蠢，其實只要找來大小合適的紙箱，把𠝹好的紙皮填滿內𥚃就成，何必大費周章逐層黏，DIY 門外漢就是門外漢！
完成一件「作品」，當然意猶未盡，繼續發揮「創意」，找來硬身的紙皮，裁成文件盒的大小讓亞女使用，既環保又省錢！
做得興起，當然唔會就此罷休！
話說有日逛家品店，看到立體相架，就想到照辦煮碗，讓亞女 display 幾個最有紀念價值的獎牌，做好之後，遠看還可以，近看瑕疵多，不過用自己的手作又遠比街買的有滿足感！
事隔幾個月，DIY 門外漢又再癮起，話要做一個 corner table，用來於床邊放眼鏡、書、咖啡杯等小物件，今次簡單好多，Hong Kong post parcel 紙箱尺寸 good fit, 因為只放輕巧物件，內頭不用填滿，需用兩塊紙皮「交叉」型放中間支撐住整個紙箱，封好然後包番 self-adhesive film 就 ok!
強烈推介家品店都買到的 self-adhesive film, 其實就是一卷大大塊的貼紙，簡單易用，有大細 size, 約 £6 / £10 左右，有多種顏色選擇，用途廣泛，是裝飾家居的好幫手！
Comments
Post a Comment