【倫敦三日遊】最愛火車遊

以前成日羨慕外國人跳上火車就可以嚟返轉國內遊，簡單又輕鬆，今次落 London 自然唔會錯過機會，火車迷又可以過足癮！

呢款行走 Edinburgh Waverly 同 London King Cross 之間嘅 AZUMA 列車係 Hitachi 製造嘅，裡面嘅設備同裝潢都幾日系，坐上去可以當自己坐緊新幹線添！

倒塔咁早一個人落 London，四個半鐘頭車程有 A year in Provence 陪伴。十幾廿年前已經睇過中文版，被書中描述嘅風景、美食、人情深深吸引住，我哋亦因此去過兩次 Provence 追薰衣草。呢本英文版都買咗好耐，終於啲起心肝開始睇，話唔定睇完之後，又會忍唔住走返轉 Provence 呢！