【倫敦三日遊】日落泰晤士河

經過最近呢幾年，漸漸學懂人生每個階段都會有唔同嘅朋友。有啲可能以往日夕相見嘅朋友，依家講多句都無謂；有啲以往甚少見面嘅朋友，又會忽然間成日聯絡。

人生無常，及時行樂，我依家只知道，只要係想見嘅朋友，無論幾遠都想見面。為咗見一見一位我嚟咗英國接近一年第一個遠道而嚟嘅好友，我特登落咗 London 幾日，而呢一晚，趁住日落時份，晚飯後一齊漫步泰晤士河畔，確係人生一大樂事。