今日繼續分享另外兩間舖頭嘅 magic bag😁
Dobbies Garden Centre
Dobbies 係英國一間賣園藝和戶外傢私用品嘅連鎖店，難道佢嘅 magic bag 係泥同植物？當然唔係啦！我屋企附近嗰間入面有 Sainsbury’s 主理嘅食物店， 而且規模幾大，仲有肉檔同魚檔！
Magic bag 售 £3.99 (寫明包含總值 £12 嘅生鮮 / 冷藏食品)，今次就兩個肉批、乳酪一盒、鷹嘴豆醬一盒、虎紋麵包一大條、椰菜花一個、柑仔一大包，雖然肉批同埋鷹嘴豆醬就唔係好啱我口味，不過西蘭花同柑仔都算新鮮，計落都算抵！
Fruit Connection
Fruit Connection 係愛丁堡一間 local 雜貨店，magic bag 售£3.49 (有原本價值 £10 的蔬果)，去到我俾咗個超市膠袋老闆，佢就執滿一大袋俾我，入面有菠蘿、蜜瓜三個、檸檬六個、車厘子一細盒，細 size 石榴兩個、粟米一枝、細紅菜頭四個、布冧三個、大橙三個，雖然菠蘿同蜜瓜已經好熟，即日要食，令人感覺差 D，不過其他東西質素還可以，其實都唔會蝕咗！
每次買完 magic bag 都會收到訊息話俾你聽你今次拯救咗嘅食物可以減低幾多碳排放量，例如等於幾多部電話叉電、揸車行咗幾哩等等，雖然某程度都係屬於 marketing 嘅技倆，但又確係令顧客自我感覺良好，覺得自己為地球出左一分力！
Comments
Post a Comment